Handball

Handballgruppa har som mål at kvar enkelt spelar, trenar og dommar skal få utvikle seg utifrå eigen ståstad, sine ambisjonar og føresetnader. Hovudmålet er å få med flest mogleg, men ein ynskjer og å leggje til rette for at dei som vil satse litt ekstra, skal ha moglegheit til det. Handballgruppa har hatt stor aktivitet i ei årrekkje og i dag har vi sju lag i seriespel med til saman ca 75 aktive utøvarar i alderen 8 år til senior. Fleire lag deltek i nasjonale turneringar. Handballgruppa har tidlegare arrangert Mamelund Handballskule, og vil jobbe for å få til liknande arrangement i åra framover.

I denne sesongen har vi desse laga i serie: J/G8, J10, J11/12, G14, J14 og senior damer.

Alle som spelar handball må vere medlem i Skjåk IL. Frå det året spelarane fyller 13 år, må ein betale handballisens for å få lov til å spele kampar. Handballisens gjev deg ikkje berre lov til å spele kampar, men er og di forsikring dersom du skulle skade deg. Både kontigent til Skjåk IL og lisens blir betalt gjennom minidrett.nif.no