Sundag 15.mars er det klart for Skisportens Dag i Botn.
11:00: Friluftsgudsteneste på stadion.
12:00: VM i Botn
Før rennstart kan ungane få måla flagg i fjeset. Det blir felles oppvarming med musikk.
Rennet er fristil fellesstart, og alle deltakarar får premie ved målgang.
Etter rennet blir det stafett med ymse aktivitetar, hopprenn for store og små og skiskyting.
Det vil vere varme grillar og sal av kaffe og bite på stadion (NB: ta med småskilling!)
Ta gjerne med flagg frå heime for å skape ekstra VM-stemning på stadion! Kanskje nokon til og med har svenske flagg?
PS: Ein kan avlegge merkeprøve for Norsk Skimerke. Spør etter merkekrav ved påmelding.
Hugs påmelding seinast ein halv time før start.
Velkomen til små og store skiløparar!